Ասֆալտ, Ասֆալտ...մինչև դուռ. Shantnews.am
Գյումրիում ընթացող փողոցաշինական ծրագրը բազմաթիվ թերություններով է կատարվում: Նախագծային անճշտություններն ու շինարարական սխալները կոծկելու համար կառուցապատողները դիմում են նոր հնարքների: Տեղեկացնում է Shantnews.am-ը:
Գյումրիի Գերցեն փողոցում, որի շինարարությունը սկսվել է մոտ մեկ տարի առաջ ու այդպես էլ չի ավարտվում: Մի քանի օր առաջ սկսել են մայթերի ասֆալտապատման աշխատանքները ու պարզել, որ մայթեզրին գտնվող բնակելիների մուտքերը խանգառում են ասֆալտապատման աշխատանքներին:
Ոմանք հնարավորության դեպքում իրենց դարպասներն ու շքամուտքերը կարողացան բարձրացնել, մյուսներինը շինարարները սկսեցին ասֆալտապատել: Երեկ բանվորները ասֆալտով փակել էին թաղամասի բնակարաններից մեկի դռները, իսկ մյուսներին հասել ու կանգնել են` առաջ գնալ չեն կարողանում` կա´մ պետք է բոլորի դռները ասֆալտով փակեն, կա´մ նախագծային փոփոխություններ անեն:
