ՏԵՍԱՆՅՈՒԹ. Երևանի Աղյուսագործների 2 հասցեի բնակիչներն ահազանգում են՝ կոյուղաջրերը լցվում են տները
Երևանի Կենտրոն վարչական շրջանի Աղյուսագործների 2 հասցեի բնակիչներն ահազանգում են՝ կոյուղաջրերը լցվում են տները: Բազմիցս դիմել են Կենտրոն վարչական շրջանի ղեկավարությանը, պատկան մարմիններին, սակայն «ձայն բարբառոյ հանապատի»:
«Կոյուղագիծը խցանված է: Մենք հայտնել ենք մեր բողոքը պատկան մարմիններին: Ասել ենք՝ մեր կյանքին ու առողջությանը վտանգ է սպառնում: Խայտառակ վիճակ է, ամբողջ գիշեր չենք կարողանում քնել և այդ իրավիճակից ոչ մի կերպ չենք կարողանում դուրս գալ: «Վեոլիա ջուր» ընկերությանն ենք դիմել, մոտավորապես 20 օր է անհրաժեշտ, որ ասեն՝ հնարավոր է, արդյոք, կոյուղագիծը տեղափոխել մյուս տարածքով, թե ոչ»,-Tert.am-ի հետ զրույցում ասաց բնակիչներից մեկը:
Նրա խոսքով՝ բնակիչներից մեկը նույնիսկ այլ վայրում վարձով է բնակվում, քանի որ անհնար է բնակվել նմանատիպ պայմաններում. «Անմարդկային վերաբերմունք է, մենք ինչքան կարող ենք դիմանալ: Բնակիչներից մեկը տնից հեռացել է, գնացել է վարձով է բնակվում մինչև այս հարցին լուծում տրվի: Ում դիմում ենք ոչ գալիս են, ոչ տեսնում են: Մենք դիմել ենք տարբեր ատյանների: Խնդրում ենք մեր հարցին լուծում տալ»:
Մանրամասները՝ Tert.am-ի տեսանյութում:
