Ստեփանակերտում հացադուլ հայտարարած Կարեն Գրիգորյանը երեկ` հուլիսի 8-ին բռնության է ենթարկվել: Այս մասին տեղեկանում ենք Թելեգրամի Բաղրամայն 26 ալիքից: Նա վնասվածքներ է ստացել եւ ստիպված է եղել լքել պուրակը: Ներկա պահին պուրակը հսկում են ոստիկանները: 

Նշենք, որ Գրիգորյանը հացադուլը սկսել է երեկ ժամը 16:00-ից՝ Շառլ Ազնավուրի անվան մշակույթի կենտրոնին կից պուրակում: Քաղաքացին բողոքի այս ձևը բացատրում է նրանով, որ  «դանակը հասել է ոսկոռին» ու այլ կերպ հնարավոր չէ լսելի դառնալ բարձրաստիճան պաշտոնյաների շրջանում: 

Գրիգորյանը պահանջում էր հանդիպում Արցախի  նախագահ Բակո Սահակյանի հետ:

Տեղի ունեցածի վերաբերյալ մանրամասներ ճշտելու նպատակով Aurora News-ը  կապ  հաստատեց Արցախի նախագահ Բակո Սահակյանի խոսնակ Դավիթ Բաբայանի հետ: Վերջինս խոստացավ, որ  կուսումնասիրի տեսանյութը եւ պարզաբանում կներկայացնի: