Քոչարյանի գործը քննող երկու դատավորների անվտանգությունն ապահովում է ոստիկանությունը
Երևանի ընդհանուր իրավասության դատարանի դատավոր Դավիթ Գրիգորյանի և Վերաքննիչ քրեական դատարանի դատավոր Արմեն Դանիելյանի անվտանգությունը ապահովվում է Ոստիկանության կողմից: Այս մասին NEWS.am-ին հայտնեցին ոստիկանությունից:
Ոստիկանությունից, սակայն, չմանրամասնեցին, թե երբ են դատավորները դիմել ոստիկանություն`իրենց անվտանգությունը ապահովելու հարցով:
Նշենք, որ Երևանի ընդհանուր իրավասության դատարանի դատավոր Դավիթ Գրիգորյանը երկրորդ դատավորն էր, որը Արցախի հանրապետության նախկին և ներկայիս նախագահների անձնական երաշախավորության հիման վրա փոխեց ՀՀ երկրորդ նախագահ Ռոբերտ Քոչարյանի խափանման միջոցը:
Վերաքննիչ քրեական դատարանի դատավոր Արմեն Դանիելյանը այս պահին քննում է Գլխավոր դատախազության բողոքը` Քոչարյանի խափանման միջոցը փոխելու որոշման դեմ:
