Իրավիճակը Լարսում. արդյո՞ք Վրաստան ավտոմեքենաների մուտքն արգելվում է. պարզաբանում
Վրացական սոցկայքերում տեղեկություններ են տարածվել, թե Ռուսաստանը Լարսի անցակետով արգելում է Վրաստան ավտոմեքենաների մուտքը, և որ Լարսի անցակետում մի քանի կիլոմետրի հասնող խցանումներ են գոյացել:
Հուսիսային Օսիայի իրավապահ մարմինները հերքել են տարածված տեղեկությունը, թե ռուսական կողմն իբրև թույլ չի տալիս վրացական համարանիշներով մեքենաներին հատել երկրի պետական սահմանը:
«Մենք աշխատում ենք նորմալ ռեժիմով: Բոլոր գծերը աշխատում են: Հերթեր չկան: Առավելագույնը 20-30 մեքենա է կուտակվում, սպասման ժամանակը տասը րոպե է», – ասել է Հյուսիսային Օսիայի մաքսային ծառայության մամուլի քարտուղարը Sputnik Georgia-ին տված հարցազրույցում:
Նրա խոսքով՝ իրենք չեն համոզում ուղևորներին չայցելել Վրաստան, քանի որ դա նրանց իրավունքն է :
«Առավելագույնը, որ մենք անում ենք, նախազգուշացնում էնք, որ հուլիսի 8-ից Վլադիմիր Պուտինի կարգադրությամբ Վրաստանի հետ օդային հաղորդակցությունը ժամանակավորապես դադարեցվելու է, չենք կարող ասել, թե ինչ կլինի վաղը, բայց այս պահի դրությամբ Ռուսաստանից Վրաստան մուտքի արգելքի ոչ մի կարգադրություն չենք ստացել», – պարզաբանել է նա:
Ի դեպ, Վրաստան մուտք գործող ՌԴ քաղաքացիների զգուշացնում են, որ հուլիսի 8-ից Մոկվա-Թբիլիսի-Մոսկվա չվերթները կդադարեցվեն:
