Բացահայտվել է Թրամփի նոր ծրագիրը Իրանի վերաբերյալ

Փակ քննարկումների ընթացքում ԱՄՆ ղեկավարն իր խորհրդականների հետ դիտարկում է Իրանի հետ հակամարտությունը ավարտված հայտարարելու հարցը, ընդ որում՝ Թրամփն ընդգծել է, որ այդ մոտեցումն իրեն համակրելի է։ Այս մասին հայտնում է  Wall Street Journal-ը:

Միևնույն ժամանակ, ամերիկյան առաջնորդը համոզված է, որ տնտեսական ճնշվածության պայմաններում Իրանի ղեկավարությունը կամ կդադարեցնի միջուկային ծրագիրը, կամ կկորցնի իշխանությունը։

Նախագահի օգնականները միաժամանակ զգուշացնում են, որ Իրանի հետ լարվածության աճը կարող է սպառնալ հանրապետականների հաջողությանը նոյեմբերին սպասվող միջանկյալ ընտրություններում։ Սակայն Թրամփը փաստել է, որ ռազմական որոշումներ կայացնելիս ինքը չի առաջնորդվում ընտրական հետևանքներով։

Ավելի վեր ԱՄՆ նախագահը հայտարարել էր Իրանի դեմ տնտեսական գործողություն ձեռնարկելու մասին՝ այն որակելով «աննախադեպ մասշտաբների մեկուսացում» և դաշնակիցներին հորդորելով միանալ Վաշինգտոնին։ Միացյալ Նահանգները, 2026 թվականի փետրվարի վերջին մեկնարկած ռազմական գործողությունների կուրսի փոխարեն, անցնում է Իրանին աստիճանաբար տնտեսապես «խեղդելու» ռազմավարությանը։