Երևանում ծնողները անհանգստացած ահազանգում են՝ դպրոցներից մի քանիսում փոփոխություններ են տեղի ունենալու: Քաղաքացիների մտահոգության պատճառն այն է, որ որոշ դպրոցներում երեխաների մուտքը կլինի անցաքարտով, այդ նպատակով ծնողներին լուրեր են հասել, թե ամսական 3.000 դրամ գումար պետք է վճարեն։ Պարզելու համար լուրի իսկությունը Aurora News-ը կապ հաստատեց Երևանի քաղաքապետարանի մամուլի խոսնակ Հակոբ Կարապետյանի հետ։ «Այդ համակարգը կգործարկվի ևս 30 դպրոցներում: ՙՆպատակը հստակ ֆիքսելն է, թե երբ դպրոց մտավ և դուրս եկավ երեխան: Իսկ այն, որ ծնողները պիտի ամսական գումար վճարեն, չի համապատասխանում իրականությանը: Գուցե լինի վճարովի ծառայություն և ծնողը հաղորդագրություն ստանա երեխայի դպրոց մուտքի և ելքի մասին»- նշեց խոսնակը: Վերջինս խոսքով՝ տեղեկատվությունը մասամբ է համապատասխանում իրականությանը: Քաղաքապետարանի խոսնակի խոսքով՝ անցաքարտը դա նույն ժետոններն են, որոնցից որ օգտագործում են մենտրոներում․ «Լինելու են մագնիսական քարտեր, որոնց օգնությամբ էլ երեխաները մտնելու են դպրոց»: Կարապետյանը նշեց՝ առայժմ պարզ չէ սա կլինի ներդրումային թե քաղաքային բյուջեից ֆինանսավորվող նախագիծ։