Ինչո՞ւ է խափանվել մետրոպոլիտենի աշխատանքը

Երևանի մետրոպոլիտենի աշխատանքում մոտ 40-50 րոպե առաջ խափանում է տեղի ունեցել, այս տեղեկությունը Shantnews. am-ին փոխանցեց Երևանի մետրոպոլիտենի մամուլի խոսնակ Տաթև Խաչատրյանը: «Խափանումը տեղի է ունեցել Գործարանային կայարանում: Եղել է գնացքի խնդիր, 12 րոպե ուշացում է եղել: Դեռևս քաղաքացիներից ոչ ոք չի բողոքել: Անջատվել են գնացքի լույսերը, այս պահին գնացքն ուղևորվել է դեպո՝ տեխզննման»: Տաթև Խաչատրյանը նաև հավելեց, որ խափանումը տեղի է ունեցել, երբ գնացքը եղել է ոչ թե թունելում, այլ երթևեկել է բաց հատվածով: Ավելի ուշ Երևանի մետրոպոլիտենի մամուլի ծառայությունը միջադեպի մանրամասների վերաբերյալ հայտարարություն կտարածի: