ՏԵՍԱՆՅՈՒԹ. Զինված հարձակում Բրազիլիայի եկեղեցիներից մեկում. կան զոհեր
Բրազիլիայի Պարակատու շրջանում զինված տղամարդը կրակ է բացել եկեղեցում գտնվող անձանց ուղղությամբ:
Ինչպես հայտնում են տեղի լրատվամիջոցները, եկեղեցի մտնելուց առաջ տղամարդն իր տանը սպանել է նախկին հարսնացուին:
Պարզվել է, որ հրաձգություն իրականացրած անձը 39-ամյա Ռուդսոն Արագոն Գիմարաեշն է, որը նախկին զինվորական է: Նա ոստիկանության հետ հրաձգության ժամանակ վիրավորվել և հիվանդանոց է տեղափոխվել: Գիմարաեշի գործողությունների հետևանքով 4 մարդ է զոհվել՝ ներառյալ նախկին հարսնացուն:
Ոստիկանության ներկայացուցիչ Ֆլավիո Սանտիագոն հայտնել է, որ եկեղեցում հարձակման պահին 20 մարդ է գտնվել, իսկ հրաձիգի մոտ 6 միավոր զենք է եղել:
«Եթե ոստիկանությունը ժամանակին չհասներ, իրավիճակը շատ ավելի վատ ելք կունենար»,- ասել է Սանտիագոն:
