Պայթյուն ՌԴ Ռոստովի մարզում. կան զոհեր և վիրավորներ

Ռուսաստանի Ռոստովի մարզի Կանեմսկի շրջանի բնակելի շենքերից մեկում որոտացած պայթյունից հետո արտակարգ իրավիճակ է հայտարարվել։ Այս մասին հայտնում է ՌԻԱ Նովոստին: Ըստ ՌԴ ԱԻ ծառայությունների՝ կենցաղային գազի պայթյունը երկհարկ շենքում որոտացել է մոտ կեսգիշերին։ Պատահարի հետևանքով կան 2 զոհ և 2 վիրավոր: Յոթ բնակարան է վնասվել, դրանցից երեքը քանդվել են։ Դեպքի վայրում աշխատում է 106 մարդ ու 27 միավոր տեխնիկա։ 13 մարդ ժամանակավոր կացարանում են ապաստան գտել։ Դատախազության ներկայացուցիչը լրագրողներին հայտնել է, որ իրենք բնակելի շենքը սպասարկող կազմակերպությունների ստուգում են սկսել։