600 հրթիռ է արձակվել Իսրայելի ուղղությամբ
Հերթական հրթիռակոծության ընթացքում պաղեստինցիները 600 հրթիռ են արձակել Իսրայելի ուղղությամբ: Այս մասին տեղեկանում ենք Իսրայեի պաշտպանության նախարարության Twitter-իգրառումից:
«Գազայի հատվածից 600 հրթիռ է արձակվել», - ասվում է գրառման մեջ:
Ավելի վաղ լրատվամիջոցները հայտնել էին, որ Գազայի հատվածից իրականացված հրթիռակոծության հետեւանքով Իսրայելում երկու մարդ է զոհվել:
Իսրայելի վարչապետ Բենիամին Նեթանյահուն բանակին հրամայել էր շարունակել Գազայի հատվածում ահաբեկչական տարրերի դեմ զանգվածային հարձակումները։
