ՏԵՍԱՆՅՈՒԹ. Հրապարակվել են Մոսկվայում զանգվածային ծեծկռտուքի կադրերը
ՌԴ Քննչական կոմիտեն հրապարակել է Մոսկվայի հարավ-արևելյան շրջանում տեղի ունեցած և երկու մարդու կյանք խլած զանգվածային ծեծկռտուքի կադրերը: Այս մասին հաղորդում է РИА Новости-ն:
Տեսանյութում երևում է, որ վիճաբանությունը սկսվել է Վոլգոգրադյան պողոտայի երթևեկելի մասի հարևանությամբ: Կռվից հետո մարդիկ համախմբվել են գետնին պառկած տղամարդու կողքին, այնուհետև մոտեցել են ոստիկանության և շտապ օգնության մեքենաները:
Քննության տվյալներով՝ 1989-ին ծնված տղամարդը մահացել է նախքան բժիշկների ժամանումը, մյուս տուժածը մահացել է հիվանդանոցում: Քննչական կոմիտեի տվյալներով՝ ծեծկռտուքի պատճառը ավտոլվացման կետի աշխատակիցների միջև ծագած գժտությունն է եղել:
