Հայաստանում հեղափոխական փուլն ավարտվեց արտահերթ խորհրդարանական ընտրությունների անցկացմամբ, իսկ երկրում տեղի ունեցած փոփոխություններն անշրջելի են: Այս մասին այսօր ԱԺ-ում ասաց ՀՀ վարչապետ Նիկոլ Փաշինյանը։ «Երկրում տեղի ունեցած փոփոխությունները դարձան անշրջելի, սա չի նշանակում, թե Հայաստանում այսօր հաստատված քաղաքական համակարգն անթերի է և լրջագույն բարեփոխումների կարիք չունի: Սա նշանակում է, որ քրեաօլիգարխիկ նախորդ ռեժիմին այլևս վերադարձ չի կարող լինել: Առաջիկայում մեզ մնում է մեր հայրենիքն ազատել քրեաօլիգարխիկ և կոռուպցիոն կառավարման վերջին բացիլներից»,- ասել է վարչապետը: