ամվել Կարապետյանի գործով դատարանը որոշել է հարցաքննել ՊԵԿ տեսուչներին

Հակակոռուպցիոն դատարանում՝ դատավոր Վահե Դոլմազյանի նախագահությամբ, շարունակվել է գործարար, «Ուժեղ Հայաստան» կուսակցության ղեկավար Սամվել Կարապետյանի և մյուսների գործով դատական նիստը։

Պաշտպանական կողմը միջնորդել էր դատարանում հարցաքննել ՊԵԿ տեսուչներին։ Հանրային մեղադրողը, սակայն, հայտարարել է, որ այս փուլում նրանց հարցաքննելու անհրաժեշտություն չկա, քանի որ նախատեսվում է ուսումնասիրել ստուգման ակտը, որը, ըստ մեղադրողի, կարող է տալ առկա հարցերի պատասխանները։ Եթե դրանից հետո հարցեր մնան, հնարավոր կլինի անդրադառնալ տեսուչների հարցաքննությանը։

Սամվել Կարապետյանի պաշտպան Ռուբեն Հակոբյանը պնդել է, որ ՊԵԿ տեսուչների հարցաքննությունն անհրաժեշտ է։

«Հանրային մեղադրողի համառ ջանքերը, որ ՊԵԿ տեսուչները չհարցաքննվեն, ինձ ստիպում են ավելի համոզվել, պետք է այստեղ հարցաքննվեն»,- ասել է Հակոբյանը՝ նաև կասկած հայտնելով, որ հնարավոր է տեղի ունեցած լինի «արտադատավարական ինչ-որ գործողություն»։

Դատարանը բավարարել է պաշտպանական կողմի միջնորդությունը և թույլատրել ՊԵԿ տեսուչների հարցաքննությունը։

Դատարանն ընդունել է նաև թե՛ մեղադրանքի, թե՛ պաշտպանության կողմերի ներկայացրած ապացույցների հետազոտման ամբողջ ծավալը։ Կողմերը հետագայում ևս կարող են նոր ապացույցներ հետազոտելու միջնորդություններ ներկայացնել։