Թզի և դեղձի մթերման համար կառավարությունը 425 մլն դրամ փոխհատուցում կտրամադրի

Կառավարությունը որոշել է 425 մլն դրամ հատկացնել թզի և դեղձի մթերման համար։

Փոխհատուցում կտրամադրվի Սյունիքի մարզից վերամշակման նպատակով մինչև 400 տոննա թզի մթերման համար՝ յուրաքանչյուր կիլոգրամի դիմաց 125 դրամ։

Նույն չափով՝ 1 կգ-ի համար 125 դրամ, փոխհատուցում կտրամադրվի նաև Հայաստանի տարածքից մինչև 3000 տոննա դեղձի մթերման համար։

Հիշեցնենք, որ օրեր առաջ Արմավիրի մարզի դեղձ արտադրող գյուղացիները բողոքի ակցիա էին իրականացրել՝ դժգոհելով մթերման գներից։ Նրանք նշում էին, որ դեղձն իրենցից գնում են կիլոգրամը 100 դրամով, ինչը, ըստ գյուղացիների, ինքնարժեքից ցածր է։