11:00 Լուրերը մեկ տողով. 320 միլիոն դոլարի նոր վարկ. Կաթողիկոսի մասնակցությունը դատին

Անցած ժամվա լուրերը՝ հակիրճ և բովանդակային.

•Ազգային ժողովում քննարկվում է ընդդիմադիր խմբակցության ներկայացրած թեկնածուի ընտրությունը ԱԺ փոխնախագահի պաշտոնում, որին կողմ քվեարկելու պատրաստակամություն է հայտնել նաև «Հայաստան» դաշինքը:

•Ամենայն Հայոց Կաթողիկոսը և Գերագույն հոգևոր խորհրդի անդամ եպիսկոպոսները մասնակցելու են օգոստոսի 7-ին նշանակված քրեական գործով նախնական դատալսումների առաջին նիստին:

•Կառավարությունը հաստատել է 320 միլիոն դոլարի նոր վարկային համաձայնագրեր ստանալու որոշումը, որից 150 միլիոն դոլարը տրամադրելու է Ասիական զարգացման բանկը:

•Պետական տարբեր ծրագրերի, այդ թվում՝ մարզերում ճանապարհաշինության և միջազգային համաժողովի կազմակերպման համար կառավարության կողմից հատկացվել է ավելի քան 62 միլիոն դոլար:

•Ներքին գործերի նախարարության կարիքների համար հատկացվել է շուրջ 148 միլիոն դրամ՝ տրանսպորտային միջոցներ և համակարգչային տեխնիկա ձեռք բերելու նպատակով:

•Կառավարությունը նախատեսում է ձևավորել հատուկ հարթակ ապօրինի օտարված գույքը կառավարելու համար՝ նպատակ ունենալով առաջիկա տարիներին պետությանը վերադարձնել 2 միլիարդ դոլարի ակտիվներ:

•Հայաստանի էլեկտրական ցանցերը նախատեսվում է դարձնել պետական սեփականություն և հանձնել հավատարմագրային կառավարման:

•Արդարադատության նախարարն անդրադարձել է Սահմանադրության փոփոխության վերաբերյալ ադրբեջանական կողմի հնչեցրած պահանջներին:

•Վարչապետը երկօրյա աշխատանքային այցով մեկնել է Ղրղզստան՝ մասնակցելու Եվրասիական միջկառավարական խորհրդի հերթական նիստին:

•Մոսկվան և Երևանը շարունակում են քննարկումները Կապանում Ռուսաստանի գլխավոր հյուպատոսության և Վլադիկավկազում Հայաստանի հյուպատոսական բաժանմունքի բացման շուրջ: