Ռուսաստանի գիշերային հարվածը Կիևին և մարզին․ զոհերի թիվը հասել է 15-ի

Ռուսական բանակի՝ օգոստոսի 5-ի գիշերը Կիևի և Կիևի մարզի ուղղությամբ իրականացրած զանգվածային հրթիռային հարվածների հետևանքով զոհվել է առնվազն 15 մարդ, տասնյակներ վիրավորվել են։ Այս մասին հայտնում է Ուկրաինայի արտակարգ իրավիճակների պետական ծառայությունը։

Գերատեսչության տվյալներով՝ Կիևում զոհվել է մեկ մարդ, ևս 15-ը վիրավորվել են։ Կիևի մարզում զոհերի թիվը հասել է 14-ի, իսկ վիրավորներինը՝ 27-ի։

Կիևում հրդեհներ և ավերածություններ են արձանագրվել քաղաքի չորս վարչական շրջաններում։ Իսկ Կիևի մարզի Բրովարի, Բուչայի և Ֆաստովի շրջաններում հարվածների հետևանքով հրդեհներ են բռնկվել պահեստներում, լոգիստիկ համալիրներում և ձեռնարկություններում։

Տեղական  ալիքների փոխանցմամբ՝ հարվածի տակ է հայտնվել նաև «Նովայա պոչտա» փոստային ծառայության տերմինալը՝ Կիևի Օբոլոնի շրջանում։

Ավելի վաղ ռուսական ԶԼՄ-ը հայտնել էին, որ մոտ 20 րոպեի ընթացքում Կիևի ուղղությամբ արձակվել է շուրջ 30 հրթիռ, իսկ ընդհանուր առմամբ կիրառվել է առնվազն 35 հրթիռ։