Պատահարներ

Ամբողջ Եվրոպան կարող է կրակի ճիրաններում հայտնվել․ ԵՄ-ն ահազանգում է մոտալուտ վտանգի մասին

Ամբողջ Եվրոպան կարող է կրակի ճիրաններում հայտնվել․ ԵՄ-ն ահազանգում է մոտալուտ վտանգի մասին
Եվրամիությունը նախազգուշացրել է, որ ամբողջ Եվրոպան շուտով կարող է կրակի ճիրաններում հայտնվել անտառային հրդեհների պատճառով: Այդ մասին հայտնել է Financial Times-ը՝ հղում անելով փորձագետների։ «Առկա է…

Եվրամիությունը նախազգուշացրել է, որ ամբողջ Եվրոպան շուտով կարող է կրակի ճիրաններում հայտնվել անտառային հրդեհների պատճառով: Այդ մասին հայտնել է Financial Times-ը՝ հղում անելով փորձագետների։


«Առկա է այն վտանգը, որ «ամբողջ Եվրոպան կրակի մեջ կհայտնվի», - լրատվամիջոցը մեջբերում է ԵՄ-ի արտակարգ իրավիճակների արձագանքման գծով համակարգման կենտրոնի ստորաբաժանման ղեկավար Մարիա Զուբերի խոսքը։


Լոնդոնի կայսերական քոլեջի պրոֆեսոր Գիլիերմո Ռեյնը նախազգուշացրել է, որ ազգային ուժերի սպառումը, հատկապես՝ ավիացիայի, եվրոպական երկրներին կզրկի միմյանց օգնություն ցուցաբերելու  հնարավորությունից, ինչն «զգալիորեն կնվազեցնի Եվրոպայի՝ խոշորագույն անտառային հրդեհները մարելու կարողությունը»։


Ընդգծվում է, որ Հունաստանը, Իտալիան և Կենտրոնական Եվրոպայի մի մասը առավել խոցելի կդառնան անտառային հրդեհների նկատմամբ։


Եվրոպան վերապրում է վերջին տարիների ամենաշոգ ժամանակաշրջաններից մեկը. առավել շատ տուժել են Իսպանիան, Պորտուգալիան, Ֆրանսիան, Իտալիան և Հունաստանը։ Ֆրանսիայի անտառները կրակի ճիրաններում են։ Ինչպես հայտարարել է նախագահ Էմանուել Մակրոնը, երկիրը ռեկորդային թվով անտառային հրդեհների հետ է բախվել Երկրորդ համաշխարհային պատերազմի ավարտից հետո ընկած ողջ ժամանակաշրջանում։  

Նմանատիպ հոդվածներ

Ավելին Պատահարներ բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8065) Միջազգային (3538) ԱՄՆ (2371) Ռուսաստան (2265) Իրան (1787) Ընտրություններ (1285) Ուկրաինա (923) Երևան (821) Իսրայել (767) Ադրբեջան (680) Փաշինյան (603) Եվրոպա (530) Ազգային ժողով (506) Ընդդիմություն (484) Թրամփ (453)

Radio Aurora

Լսել Radio Aurora

Գովազդային տարածք

300x250