Հայաստանը 6 ամսով արգելել է տոմատի մածուկի ներկրումը

Վեց ամսով արգելք է դրվել Հայաստան տոմատի մածուկի ներմուծման վրա, այդ թվում՝ ԵԱՏՄ անդամ երկրներից:

Կառավարության որոշման հիմնավորման համաձայն՝ «Այսպիսով, կավելանան տեղական արտադրության տոմատի մածուկի իրացման ծավալները, կմեծանա լոլիկի նկատմամբ պահանջարկը, որի արդյունքում կապահովվի մթերման համար առաջարկվող լոլիկի բերքի մթերումը՝ ամբողջ ծավալով»։

Լոլիկի արտահանման սահմանափակումները սկսել են գործել 2026 թվականի մայիսի 22–ից։ Այդ օրվանից մինչև հուլիսի 22-ն ընկած ժամանակահատվածում ջերմատնային արտադրության լոլիկի արտահանումը կազմել է մոտ 800 տոննա, մինչդեռ նախորդ տարվա համապատասխան ժամանակահատվածում արտահանվել էր շուրջ 7000 տոննա՝ ամբողջությամբ դեպի ԵԱՏՄ անդամ պետություններ: