Մոսկվան անընդունելի է համարում Ռումինիայից իր դիվանագետի արտաքսումը

Ռուսաստանը պատասխան քայլեր կձեռնարկի այն բանից հետո, երբ Ռումինիան որոշեց Բուխարեստում Ռուսաստանի դեսպանատան աշխատակցի արտաքսել։ Այդ մասին հայտնել են ՌԴ ԱԳՆ-ից։

Ավելի վաղ Ռումինիայի իշխանությունները հայտարարել էին, որ դիվանագետի արտաքսման որոշումը կապված է երկրի օդային տարածքում տեղի ունեցած անօդաչու թռչող սարքերի միջադեպի հետ։

Ի պատասխան՝ Ռուսաստանի դեսպանությունը հայտարարել է, որ Մոսկվան անընդունելի է համարում այդ որոշումը՝ ընդգծելով, որ որևէ ապացույց չի ներկայացվել, թե խոցված ԱԹՍ-ները պատկանել են Ռուսաստանին։

«Որևէ ապացույց չի ներկայացվել, որ անօդաչուները Ռուսաստանին էին պատկանում։ Թռիչքի տեխնիկական պարամետրերի վերաբերյալ հարցերից որևէ մեկին պատասխան չի տրվել»,- նշվում է դեսպանության հայտարարության մեջ։

Հիշեցնենք, որ Ռումինիայի պաշտպանության նախարարությունը հուլիսի 26-ին հայտնել էր, որ F-16 կործանիչներով երկրի օդային տարածքում երեք օրվա ընթացքում խոցվել է երեք անօդաչու թռչող սարք։ Նախագահ Նիկուշոր Դանը հայտարարել էր, որ դրանցից մեկը խոցվել է Ռումինիայի տարածքում, սակայն դրանց ռուսական պատկանելության վերաբերյալ ապացույցներ չեն հրապարակվել։

ՌԴ ԱԳՆ-ն հայտարարել է, որ Մոսկվան համապատասխան պատասխան կտա Ռումինիայի որոշմանը։