Ուկրաինան ցանկանում է Մեծ Բրիտանիայում անօդաչուների խոշոր գործարան կառուցել

Ուկրաինայի նախագահ Վլադիմիր Զելենսկին հայտարարել է, որ ցանկանում է նոր փուլ սկսել Մեծ Բրիտանիայի հետ համագործակցության մեջ՝ հատկապես պաշտպանական ոլորտում։

Sky News-ին տված հարցազրույցում Զելենսկին հայտնել է, որ Մեծ Բրիտանիայի նոր վարչապետի հետ ունեցել է շատ լավ հեռախոսազրույց և հույս ունի առաջիկայում անցկացնել արդյունավետ երկկողմ հանդիպում։

Նրա խոսքով՝ Կիևը ցանկանում է զարգացնել «Drone Deal»-ը և Մեծ Բրիտանիայում կառուցել մեծ գործարան՝ նոր տեխնոլոգիաների հիման վրա։

«Մենք պատրաստ ենք Մեծ Բրիտանիայի հետ կիսվել մեր ամբողջ փորձով։ Հույս ունեմ, որ Մեծ Բրիտանիան կանի նույնը»,- ասել է Զելենսկին։

Նա նշել է, որ նոր նախագծերի համար անհրաժեշտ է երեք հիմնական բաղադրիչ՝ ֆինանսավորում, տեխնոլոգիաներ և ուսուցում։

Զելենսկու խոսքով՝ Ուկրաինան ցանկանում է արտադրել բրիտանական Storm Shadow հրթիռներին նման զինատեսակներ, իսկ Մեծ Բրիտանիան հետաքրքրված է ուկրաինական անօդաչու տեխնոլոգիաներով, այդ թվում՝ ծովային դրոններով։

Ուկրաինայի նախագահը նաև նշել է, որ կողմերը կարող են համագործակցել եվրոպական հակաբալիստիկ պաշտպանության համակարգ ստեղծելու ուղղությամբ։