Թեհրանը պայման է դրել Վաշինգտոնի առաջ

Իրանը ներկայումս որևէ բանակցություն չի վարում ԱՄՆ-ի հետ, հայտարարել է Իսլամական Հանրապետության ԱԳՆ պաշտոնական ներկայացուցիչ Իսմայիլ Բաղային։

«Մենք երբեք չենք խուսափել դիվանագիտական գործիքը մեր ազգային շահերի պաշտպանության համար օգտագործելուց։ Քանի դեռ հակառակ կողմը զբաղված է Իրանի դեմ ագրեսիայով և հարձակումներով, մեր ուշադրությունը կենտրոնացած է բացառապես պաշտպանության վրա: Այս պահին ԱՄՆ-ի հետ որևէ բանակցություն չի վարվում», - հայտարարել է Բաղային իրանական պետական հեռուստատեսության ուղիղ եթերում։

Նրա խոսքով՝ քանի դեռ ԱՄՆ-ն չի փոխել իր դիրքորոշումը, նրանց հետ «բանական» դիվանագիտական գործընթաց սկսելն անհնար է։