Ռուսաստանը կհասնի իր նպատակներին Ուկրաինայում. Պուտին

ՌԴ նախագահ Վլադիմիր Պուտինը հայտարարել է, որ Ռուսաստանը կհասնի Ուկրաինայում իրականացվող «հատուկ ռազմական գործողության» շրջանակում իր առջև դրված նպատակներին։

«Ռուսաստանի ժողովրդին ոչ ոք չի կարող կոտրել։ Այդպես երբեք չի եղել և երբեք չի լինի։ Ռուսաստանը կհասնի իր նպատակներին հատուկ ռազմական գործողության ընթացքում»,- ասել է Պուտինը։

Նա նաև նշել է, որ Ռուսաստանն ունակ է հակազդելու բոլոր ոչ բարեկամական քայլերին, իսկ Արևմուտքի սահմանած պատժամիջոցները, նրա խոսքով, արդյունավետ չեն եղել։

Պուտինի խոսքով՝ առաջիկա երեք տարիների բյուջեի առաջնահերթություններից են երկրի պաշտպանունակության ամրապնդումը, սոցիալական խնդիրների լուծումը և տնտեսության աջակցությունը։

ՌԴ նախագահը նաև հայտարարել է, որ վերջին տարիները Ռուսաստանի համար դարձել են վճռորոշ փուլ, իսկ այսօր «խաղասեղանին ժողովրդի ապագան է»։