Թեժ պայքար է սպասվում. «Հրապարակ»

Խորհրդարանի ղեկավար պաշտոններում թեկնածուների ընտրությունից հետո հերթը ԱԺ մշտական հանձնաժողովների նախագահների ընտրությանն է իշխող թիմը հասել: Հաջորդ շաբաթ կսկսեն առաջադրվել թեկնածուներ, որոնց ըստ նախնական որոշման՝ ֆրակցիան կընտրի, թեպետ չի բացառվում, որ այս ընտրությունն էլ վարչությունը կայացնի: Այս մասին գրում է «Հրապարակը»:

Տեղեկացանք,որ թեժ մրցակցություն է սպասվում ԱԺ պաշտպանության մշտական հանձնաժողովի նախագահի տեղի համար։

Թերթին ասել են,որ առաջադրվելու ցանկություն ունեն գործող նախագահ Անդրանիկ Քոչարյանը, վարչության անդամներ Արմեն Խաչատրյանը եւ Վիլեն Գաբրիելյանը։

Ըստ տեղեկությունների հանձնաժողովի նախագահները մոտ երկու հարյուր հազարով ավել աշխատավարձ են ստանում եւ ծառայողական մեքենա, որը համատեղ օգտագործում են այլ հանձնաժողովի նախագահի հետ։