Ինչո՞ւ են Հայաստանում գրանցելու բջջային հեռախոսների IMEI համարները

Հայաստանի Հանրապետության կառավարության տեղեկացմամբ՝ երկրում նախատեսվում է ներդնել բջջային հեռախոսների IMEI համարների գրանցման համակարգ:

Ըստ կառավարության՝ այս համակարգի ներդրման նպատակն է նվազեցնել անօրինական ճանապարհով ներմուծված բջջային հեռախոսների շրջանառությունը, ինչպես նաև ապահովել հավասար ու արդարացի մրցակցային միջավայր այն ներմուծողների համար, որոնք գործում են օրինական դաշտում: 

Բացի այդ, նախաձեռնությունը միտված է պաշտպանելու սպառողներին այնպիսի հեռախոսներ ձեռք բերելուց, որոնք ունեն կեղծված կամ փոփոխված IMEI համարներ, և հիմնելու բջջային հեռախոսների հաշվառման մեկ միասնական շտեմարան:

 Կառավարությունը նաև հստակեցնում է, որ այս գործընթացը որևէ առնչություն չունի քաղաքացիների անձնական տվյալների հավաքագրման կամ նրանց նկատմամբ վերահսկողություն սահմանելու հետ: