Սա մարդկանց հետևելու համար չէ. Գալյանը՝ IMEI կոդերի պարտադիր գրանցման մասին

Հունիսի 30-ին Սահմանադրական դատարանում տեղի ունեցած ճեպազրույցի ժամանակ ՀՀ արդարադատության նախարար Սրբուհի Գալյանն անդրադարձել է հեռախոսների IMEI կոդերի պարտադիր գրանցման նախագծին՝ հերքելով այն տեսակետները, թե սա քաղաքացիների նկատմամբ վերահսկողություն սահմանելու փորձ է։

Սրբուհի Գալյանը ընդգծել է, որ այս նախաձեռնության իրական նպատակը ոչ թե մարդկանց հետևելն է, այլ ապօրինի կամ մաքսանենգ ճանապարհով սարքերի մուտքը Հայաստանի Հանրապետություն արգելելը։

«Անձնական տվյալների պաշտպանության բարձր շեմ պիտի նախատեսվի բոլոր նմանատիպ դեպքերի համար և հիմա մենք աշխատում ենք անձնական տվյալների պաշտպանության նոր օրենսդրության մշակման շուրջ և կարծում եմ, որ ձեր բոլոր մտահոգությունները պիտի փարատվեն»,- ասել է Սրբուհի Գալյանը։