ՏԵՍԱՆՅՈՒԹ.Իշխանափոխության ժամկետները գիտեմ, բայց չեմ ասի. Սամվել Կարապետյանի նոր հայտարարությունը

Լրագրողների հետ զրույցում Սամվել Կարապետյանը, անդրադառնալով ՀԵՑ-ի պետականացման հնարավոր գործընթացների և փոխհատուցման հարցերի վերաբերյալ հնչեցված հայտարարություններին, կոչ է արել դրանք լուրջ չընդունել։

Նրա գնահատմամբ՝ բոլոր ցուցանիշները կատաստրոֆիկ են։ Իշխանափոխության հստակ ժամկետների վերաբերյալ հարցին ի պատասխան՝ Կարապետյանը նշել է, որ ինքն ունի իր ժամկետները, սակայն դրանք չի հանրայնացնի, և բոլորը հերթով կտեսնեն զարգացումները։ 

Խոսելով այլ երկրների քաղաքացիություններից հրաժարվելու և միայն Հայաստանի Հանրապետության քաղաքացիություն ունենալու գործընթացի մասին՝ նա հայտնել է, որ այն գտնվում է գործնական փուլում։ Կարապետյանը նաև հավելել է, որ տարբեր երկրներում, այդ թվում՝ Ֆրանսիայում, Շվեդիայում (Ստոկհոլմ) և Հայաստանում առկա դատական հայցերն ու քրեական գործերը, ինչպես նաև տարբեր քաղաքացիություններով ներկայանալը չեն կարող խանգարող հանգամանք հանդիսանալ Կիպրոսի և Ռուսաստանի քաղաքացիություններից հրաժարվելու համար։