Էրդողանի արձագանքը՝ Իսրայելի՝ Հայոց ցեղասպանության ճանաչմանը. մեր պատմությունը չի պարունակում կոտորածներ

Մենք բացարձակապես կարևորություն չենք տալիս մեր երկրին ուղղված զրպարտությանը այն հանցավոր ցանցի կողմից, որի ձեռքերը ներկված են Գազայի 73 000 անմեղ մարդկանց արյունով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը:

«Մեր պատմությունը չի պարունակում ցեղասպանություն, կոտորածներ, ճնշումներ և գաղութատիրություն»,- ասել է Թուրքիայի նախագահը: 

Հիշեցնենք, որ ավելի վաղ Իսրայելի կառավարությունը միաձայն հավանություն տվեց ԱԳ նախարար Գիդեոն Սաարի առաջարկած նախագծին՝ պաշտոնապես ճանաչելու Հայոց ցեղասպանությունը։

Թուրքիայի արտաքին գործերի նախարարությունը հայտարարություն էր տարածել Իսրայելի կողմից Հայոց ցեղասպանությունը ճանաչելու նախագծին հավանություն տալու մասին, որում ասվում էր. «Այս չարամիտ նախաձեռնությունը, որը անտեսում է իրավական և պատմական փաստերը, բացահայտում է այն դժվարին իրավիճակը, որում հայտնվել են Նեթանյահուն և նրա հանցակիցները, քանի որ նրանց նկատմամբ ձերբակալման օրդերներ են տրվել Միջազգային քրեական դատարանի կողմից պաղեստինցիների դեմ կատարված հանցագործությունների կապակցությամբ անցկացվող հետաքննության շրջանակներում»: