173 ուղևոր տեղափոխող ինքնաթիռը Յակուտիայում դուրս է եկել թռիչքուղու

«Սիբիր» ավիաընկերության Boeing 737-800 օդանավը Միռնի քաղաքի օդանավակայանում դուրս է եկել թռիչքուղու սահմաններից:

Յակուտիայի Միռնի քաղաքի օդանավակայանում վայրէջք կատարելիս թռիչքուղուց դուրս է եկել «Սիբիր» ավիաընկերությանը պատկանող Boeing 737-800 ինքնաթիռը, ինչի մասին տեղեկացնում է Արևմտյան Սիբիրի տրանսպորտային դատախազության մամուլի ծառայությունը։ Օդանավը չվերթն իրականացնում էր Նովոսիբիրսկից դեպի Միռնի։ Ինքնաթիռում գտնվող 173 ուղևորներից և անձնակազմի վեց անդամներից որևէ մեկը չի տուժել, բոլորը տարհանվել են։ Ըստ Արևելյան Սիբիրի տրանսպորտային դատախազության հաղորդման՝ օդանավը վնասվել է։ Այս պահին օդանավակայանը դադարեցրել է ինքնաթիռների թռիչքների ու վայրէջքների ընդունումը։

«Նովոսիբիրսկի տրանսպորտային դատախազությունը սկսել է վերահսկողության միջոցառումներ՝ ապահովելու համար, որ ավիաընկերությունը պահպանի թռիչքների անվտանգության օրենքները»,- ասվում է հաղորդագրության մեջ: