Փաշինյանը խոսել է գետն ընկած քույրերի մասին

Լրագրողի հարցին ի պատասխան անդրադարձ է կատարվել Փամբակում քույրերի հետ տեղի ունեցած ողբերգական դեպքին և վտանգավոր տարածքների գույքագրման անհրաժեշտությանը:

Առաջիկա ամիսների առանցքային խնդրի և դրա լուծման ազդեցության վերաբերյալ վերջին հարցին, ինչպես նաև Փամբակի ողբերգական դեպքի հետ կապված տարբեր հատվածներում գետերի ու ջրատար խողովակների վտանգավոր տեղամասերի գույքագրման հարցին, Նիկոլ Փաշինյանը նշեց, որ երեխաների անցած վայրը նախատեսված չի եղել անցման համար: Մարդիկ այդ անցումն օգտագործել են ինքնաշխատ եղանակով, ինչը հանգեցրել է մեծ ողբերգության: Նա հավելեց, որ եղել են դեպքեր, երբ երեխան ջրի մեջ է ընկել ափից կամ տարբեր տեղերից, և պետք է ավելի մանրամասն քննարկվի, թե կա՞ր արդյոք արվելիք քայլ, որը չի արվել:

Որպես օրինակ նշվեց Արգավանդ գյուղի իրավիճակը, որտեղ տեղադրված արգելող ցանկապատը մարդիկ տեղ-տեղ կտրել են և քայլելով անցնում են, ինչը նույնպես վտանգավոր է: Նման դեպքում կարող է հնչել լեգիտիմ հարց, թե ինչու ճանապարհով զբաղվողները ժամանակին չեն վերականգնել ցանկապատը, սակայն վերականգնելուց երկու օր անց էլի նույն պատկերն է լինելու: Այսպիսի հարցերը պետք է արժանանան ավելի խորը վերլուծության՝ հասկանալու համար բացթողումները: Եթե նման դեպքերը չլինեին և գնային այդ կտրած տեղերը մոնտաժելու, ժողովուրդը դիմադրելու էր և դժգոհեր, թե ինչու են փակում իրենց անցումը:

Հաճախ է պատահում, որ միայն ողբերգությունից հետո են հետադարձ հայացք գցում ու հարցնում, թե ինչու այս կամ այն որոշումը չի կայացվել կամ ինչու համապատասխան քայլը տեղում չի արվել: Որոշումների հետ կապված նշվեց, որ պետք է իրականացվեն նախընտրական և կառավարության ծրագրերը, որոնց կատարումն էլ կտա բոլոր հարցերի պատասխանները: