ՔԿ-ն` Սուրենավանում տեղի ունեցած ողբերգական ավտովթարի մասին

Սուրենավան բնակավայրի մոտակայքում «Նիսան» մակնիշի ավտոմեքենայի այրման դեպքի առթիվ նախաձեռնվել է քրեական վարույթ՝ Քրեական օրենսգրքի 358-րդ հոդվածի 2-րդ մասով (դյուրավառ կամ այրիչ նյութերի պահպանման, հաշվառման, փոխադրման, առաքման կամ օգտագործման կանոնները կամ պահանջները խախտելը, որն անզգուշությամբ առաջացրել է մարդու մահ): Այս մասին Auroranews-ին հայտնեցին քննչական կոմիտեից։

Հիշեցնենք` Սուրենավան բնակավայրի մոտակայքում «Նիսան» մակնիշի ավտոմեքենան դուրս է եկել ճանապարհի երթևեկելի հատվածից, բախվել քարին և բռնկվել։ Այրվել է ավտոմեքենայի սրահը, որտեղ հայտնաբերվել է 3 քաղաքացու այրված դի։ Որոշ ժամանակ անց նույն տարածքում փրկարարները հայտնաբերել են ևս մեկ կիսամոխրացած մարմին։