ՍԱՏՄ-ն կասեցրել է «Թամարա» ապրանքանիշի 3 արտադրատեսակի արտադրությունը

Սննդամթերքի անվտանգության տեսչական մարմինը (ՍԱՏՄ) կասեցրել է «Թամարա» ապրանքանիշի երեք արտադրատեսակի արտադրությունը։

ՍԱՏՄ-ի տեղեկացմամբ՝ լաբորատոր փորձաքննության արդյունքում «Կաթնաշոռ դասական 7%» և «Թան չգազավորված» արտադրատեսակների նմուշներում հայտնաբերվել են թույլատրելի նորմերը գերազանցող խմորասնկեր և բորբոսասնկեր։

Միաժամանակ «Վանիլային պաղպաղակ կաթնայուղի փոխարինիչով» արտադրատեսակը չի համապատասխանել «Կաթնայուղի զանգվածային մաս» ցուցանիշով։

Տեսչական մարմնի տվյալներով՝ նշված արտադրատեսակները չեն համապատասխանել «Կաթի և կաթնամթերքի անվտանգության մասին» Մաքսային միության տեխնիկական կանոնակարգի պահանջներին, ինչի հետևանքով դրանց արտադրությունը կասեցվել է։