Ռուսաստանում երեք մարդ դատապարտվել «ԼԳԲՏ շարժում» տարածելու գործով

Ռուսաստանում երեք մարդ դատապարտվել է այսպես կոչված «ԼԳԲՏ շարժման» հետ կապված գործով։

Օրենբուրգ քաղաքում քվիր-ակումբի երեք աշխատակիցներ մեղավոր են ճանաչվել և դատապարտվել ազատազրկման՝ 2-ից մինչև 7 տարի ժամկետով։

Նրանց մեղադրում էին, որ ակումբում կազմակերպել են միջոցառումներ, որոնք իշխանությունները գնահատել են որպես «արգելված գաղափարների տարածում» և կապել են այսպես կոչված «ԼԳԲՏ շարժման» հետ։

Դատարանի տվյալներով՝ 37-ամյա ակումբի սեփականատերը ստացել է 7 տարվա ազատազրկում, ադմինիստրատորը՝ 6 տարի 3 ամիս, իսկ արվեստային տնօրենը՝ 2 տարի 3 ամիս։

Նրանց նաև արգելվել է որոշ ժամանակ աշխատել ժամանցի և հանրային սննդի ոլորտում, իսկ սեփականատիրոջից բռնագանձվել է գումար։

Դատական նիստերը անցկացվել են փակ ռեժիմով։