Արմեն Մուրադյանը վերընտրվել է ԵՊԲՀ ռեկտորի պաշտոնում

Երևանի Մխիթար Հերացու անվան պետական բժշկական համալսարանի (ԵՊԲՀ) ռեկտորի պաշտոնում վերընտրվել է Արմեն Մուրադյանը։

Համալսարանի հոգաբարձուների խորհրդի հունիսի 26-ի նիստում անցկացված փակ գաղտնի քվեարկության արդյունքում Մուրադյանի թեկնածությունը ստացել է 19 կողմ ձայն, մեկ քվեաթերթիկ ճանաչվել է անվավեր։

Նիստը վարել է հոգաբարձուների խորհրդի նախագահ Միքայել Ադամյանը, որին մասնակցել են խորհրդի բոլոր 20 անդամները։

Արմեն Մուրադյանը դարձել է ԵՊԲՀ 22-րդ ռեկտորը։

Հիշեցնենք, որ համալսարանի հոգաբարձուների խորհուրդը ռեկտորի պաշտոնի համար բաց մրցույթ էր հայտարարել մայիսի 27-ին՝ սահմանված ընթացակարգի համաձայն։