Ավելի քան 26 հազար խախտում մեկ շաբաթում․ Պարեկները իրականացրել են լայնածավալ ստուգումներ

Հունիսի 22-ից 29-ը մայրաքաղաքում և մարզերում իրականացված ծառայության ընթացքում պարեկները հայտնաբերել են տասնյակ հազարավոր ճանապարհային երթևեկության կանոնների խախտումներ։

Երևանում արձանագրվել է 5647 խախտում, իսկ 162 ավտոմեքենա տեղափոխվել է պահպանվող հատուկ տարածք։ Հայտնաբերվել է 199 ոչ սթափ վարորդ, 167 անձ՝ առանց վարորդական իրավունքի վկայականի, ինչպես նաև բազմաթիվ այլ խախտումներ՝ չամրակապված վարում, հեռախոսից օգտվել, ծխել վարելիս և այլ դեպքեր։

Մարզերում նույն ժամանակահատվածում հայտնաբերվել է 21168 խախտում, 334 մեքենա տեղափոխվել է հատուկ տարածք։ Գրանցվել են ոչ սթափ վարորդներ, արագության գերազանցումներ, տեխնիկական և փաստաթղթային խախտումներ, ինչպես նաև այլ իրավախախտումներ։

Բացի այդ, տարբեր կասկածանքներով ձերբակալվել և ոստիկանության բաժիններ է տեղափոխվել ընդհանուր 132 անձ։