Կանանց և աղջիկների իրավունքների պաշտպանությունը Հայաստանում պետք է ուժեղացվի. ՄԻՊ

Ժնևում՝ ՄԱԿ-ի Մարդու իրավունքների խորհրդի 62-րդ նստաշրջանի շրջանակում, կանանց և աղջիկների նկատմամբ բռնության հիմնախնդրին նվիրված պանելային քննարկման ընթացքում Հայաստանի մարդու իրավունքների պաշտպան Անահիտ Մանասյանը հանդես է եկել տեսաուղերձով։

Իր ուղերձում նա անդրադարձել է Հայաստանում կանանց և աղջիկների իրավունքների պաշտպանության խնդիրներին՝ ընդգծելով ոլորտում առկա մարտահրավերները։

Մանասյանը կարևորել է Հայաստանի կողմից Եվրոպայի խորհրդի՝ կանանց նկատմամբ բռնության և ընտանեկան բռնության կանխարգելման ու դրա դեմ պայքարի կոնվենցիայի վավերացման անհրաժեշտությունը։

Նա նաև նշել է, որ հասարակությունում առկա կարծրատիպերը հաճախ խոչընդոտում են կանանց և աղջիկների իրավունքների արդյունավետ պաշտպանությանը, ինչպես նաև բռնության զոհ դարձած անձանց շահերի լիարժեք ապահովմանը։