Ադրբեջանից Հայաստան է արտահանվել նավթամթերքի հերթական խմբաքանակը

Ադրբեջանից Հայաստան է արտահանվել նավթամթերքի հերթական խմբաքանակը։ Ըստ APA-ի՝ այսօր Բիլաջարի կայարանից դեպի Բոյուկ Քեսիկ կայարան է ուղարկվել AI-92 բենզինով բեռնված 18 երկաթուղային վագոն՝ ընդհանուր 971 տոննա քաշով, ինչպես նաև դիզելային վառելիքով բեռնված 8 վագոն՝ ընդհանուր 467 տոննա ծավալով։

Նշվում է, որ մինչ այժմ Ադրբեջանից Հայաստան է արտահանվել ավելի քան 14,000 տոննա դիզելային վառելիք և ավելի քան 4,000 տոննա AI-92 և AI-95 բենզին։

Բացի այդ, հաղորդվում է, որ Ադրբեջանով տարանցիկ ճանապարհով Ռուսաստանից Հայաստան է տեղափոխվել ավելի քան 34,000 տոննա հացահատիկ, մոտ 8,000 տոննա պարարտանյութ, 133 տոննա ալյումին, 68 տոննա հնդկացորեն և 414 տոննա անտրացիտ։