Լիտվայի վարչապետը շնորհավորել է Նիկոլ Փաշինյանին ընտրություններում հաղթանակի առթիվ

Լիտվայի կառավարության ղեկավար Ինգա Ռուգինիենեն շնորհավորական ուղերձ է հղել Հայաստանի վարչապետ Նիկոլ Փաշինյանին՝ խորհրդարանական ընտրություններում «Քաղաքացիական պայմանագիր» կուսակցության տարած հաղթանակի կապակցությամբ։

Լիտվայի վարչապետի դիտարկմամբ՝ Հայաստանի քաղաքացիները հերթական անգամ իրենց դիրքորոշումն են արտահայտել հօգուտ ժողովրդավարական արժեքների, տարածաշրջանում կայունության հաստատման ու եվրոպական ապագայի։

«Մենք անհամբեր սպասում ենք մեր գործընկերության խորացմանը և ԵՄ-ի հետ ավելի սերտ կապեր հաստատելու ճանապարհին Հայաստանին աջակցելուն»,- գրել է նա։