Ահա այն ամենը, ինչ պետք է իմանալ մեծահարուստ «կալուգանման օլիգարխ»-ի մասին․ Հարությունյան

«Քաղաքացիական պայմանագիր» կուսակցության վարչության անդամ,  ՀՀ վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում անդրադարձել է Հակակոռուպցիոն կոմիտեի հրապարակած նոր ձայնագրությանը, որում հայտնի է դառնում, որ արտերկիր աշխատանքի մեկնած ՀՀ մի շարք քաղաքացիների նկատմամբ ունեցած նյութական կախվածությունն օգտագործելով՝ ՌԴ-ում բիզնես գործունեություն իրականացնող անձինք «Ուժեղ Հայաստան» կուսակցության համակրի և այլ անձանց հետ նախապատրաստել են վերջիններին տեղափոխել Հայաստանի Հանրապետություն՝ հարկադրելով մասնակցել Ազգային ժողովի ընտրություններին և քվեարկել իրենց նշած կուսակցության օգտին։

Հարությունյանը, կենտրոնանալով ձայնագրության հատկապես մեկ դրվագի վրա, գրել է․

«Պերեվառոտ են անելու...

Ահա այն ամենը, ինչ պետք է իմանալ մեծահարուստ «կալուգանման օլիգարխ» անհայրենիքների մասին: Այսքան ժամանակ չհասկացաք, որ Հայաստանում 2018-ից հետո ամենաուժեղ տղեն ժողովուրդն է, որը ձեր մռթին կտա հունիսի 7-ին: Պատրաստվեք:

Դուխներդ տեղը, գլուխներդ բարձր: Հայաստանը նրանց հայրենիքը չէ»,- գրել է նա։

Հիշեցնենք՝ ավելի վաղ հրապարակել էինք տեսանյութ, որում ասվում է «Մոսկվայից ասել են, եթե անցնի Նիկոլը, պերեվարոտ ա լինելու»։