Կասեցվել է դեպի Ռուսաստան «Ջերմուկի» բոլոր խմբաքանակների ներմուծումն ու իրացումը

Ռուսաստանի Դաշնության տարածք «Ջերմուկ» ջրի բոլոր խմբաքանակների ներմուծումն ու իրացումը կասեցնելու նպատակով «Ռոսպոտրեբնադզորը» ժամանակավոր սանիտարական միջոց է սահմանել։

«Մաքս» հարթակի իր ալիքում գերատեսչությունը տեղեկացրել է, որ «Ռոսպոտրեբնադզորը» ժամանակավոր սանիտարական միջոց է կիրառել Ռուսաստանում «Ջերմուկ» հանքային ջրի բոլոր խմբաքանակների ներկրումն ու շրջանառությունը դադարեցնելու ուղղությամբ։ Հաղորդագրության մեջ նշվում է, որ տվյալ արտադրանքը չի համապատասխանում այն տեղեկատվությանը, որը նշված է մակնշման մեջ, իսկ արտադրանքի բուժական հատկությունների վերաբերյալ մոլորության մեջ գցելը կարող է հանգեցնել ոչ արդյունավետ բուժման և առողջության վատթարացման։ Բացի այդ, «Ռոսպոտրեբնադզորը» համապատասխան ծանուցումներ է հասցեագրել Եվրասիական տնտեսական հանձնաժողովին, ինչպես նաև Եվրասիական տնտեսական միության անդամ պետությունների լիազոր մարմիններին։