Թեհրանը պատասխանել է Վաշինգտոնին․ Իրանը չի ընկրկի ԱՄՆ ճնշման առջև

Իրանը չի ընկրկի ԱՄՆ ճնշման առջև: Այս մասին Իրանի խորհրդարանի խոսնակ Մոհամմադ Բաղեր Ղալիբաֆն այս մասին հայտարարել է Պակիստանի բանակի գլխավոր ֆելդմարշալ Ասիմ Մունիրի հետ հանդիպման ժամանակ։ 

Ղալիբաֆը ընդգծել է, որ Իսլամաբադի փոխըմբռնման հուշագրի շրջանակներում երկու կողմերի պարտավորությունները հստակ են՝ նշելով, որ Միացյալ Նահանգների կողմից իր պարտավորությունները չկատարելը խոչընդոտել է տարածաշրջանային կայունությունը և ավելի է խաթարել Վաշինգտոնի նկատմամբ վստահությունը։ 

Նա նաև մերժել է այն միտքը, որ արտաքին ճնշումը կարող է ազդել Իրանի վրա՝ պնդելով, որ Թեհրանը շարունակում է հանձնառու մնալ հուշագրի պայմանների կատարմանը։ Ղալիբաֆն ասել է, որ Միացյալ Նահանգները պետք է կատարի համաձայնագրում նշված իր պարտավորությունները։ 

Իր հերթին, Ասիմ Մունիրը հայտարարել է, որ կշարունակի ջանքեր գործադրել տարածաշրջանում կայունությունը վերականգնելու համար։

Իսլամաբադի հուշագիրը (կամ փոխըմբռնման հուշագիրը) ստորագրվել է 2026 թվականի հունիսին ԱՄՆ-ի և Իրանի միջև, որը միտված է երկրների միջև լարվածության թուլացմանն ու հրադադարի կամ հակամարտության կարգավորմանը։