ՏԵՍԱՆՅՈՒԹ․ Այդ մարդը «դ-թ»-ի, «ղ-խ»-ի ուղղագրությունը չգիտի, հայերին չի ճանաչում․ Ալեն Սիմոնյան

Կարծում է, որ մեր նկատմամբ ատելության դրսևորումները ուղղորդված են։ Այս մասին լրագրողների հետ զրույցում ասել է Ազգային ժողովի նախագահ Ալեն Սիմոնյանը։

«Ընդդիմությունն անելանելի վիճակում է, որովհետև ակնհայտ է, որ 3 ընդդիմադիր հիմնական ուժ համարվող կուսակցությունները խնդիր ունեն նվազագույն շեմը հաղթահարելու, դա ակնհայտ է։

Գագիկ Ծառուկյանը կուսակցությունով է մասնակցում, որ իր հին ռեսուրսի հաշվին, որ 4 տոկոսի շեմը փորձի հատել։ «Հայաստան» դաշինքը ակնհայտ է, որ չի հատելու, 100 000 ձայն այնհայտ է, որ անհնար է, չի հավաքելու;

Դրա համար Ռոբերտ Քոչարյանը պատրաստ է կլուխկոնծի տալ, պպզել, բարի խոսել, վիրավորի, որ մենք իրեն պատասխանենք։ «Ուժեղ Հայաստան» կազմակերպության հետ կապված էլ շղարշը անցավ, լույսերը միացրեցին ու պարզվեց, որ այդ մարդը «դ-թ»-ի ուղղագրությունը չգիտի, «ղ-խ»-ի ուղղագրությունը չգիտի, հայերին չի ճանաչում, ու բացի նրանից, որ չի կարող ՀՀ-ում որևէ պաշտոն զբաղեցնել, նաև պատկերացում չունի, թե ինքը ինչից է խոսում։ Ուստի, մնում է՝ վիրավորել, սադրել իշխանություններին»,- հավելել է Սիմոնյանը։