Բաքվում գտնվող հայ գերիների համար՝ հատուկ խումբ կձևավորվի․ Սամվել Կարապետյան

 «Ուժեղ Հայաստան» կուսակցությունն իշխանության գալու դեպքում ձևավորվելու է հատուկ խումբ, որ զբաղվելու է Բաքվում գտնվող հայ գերիների վերադարձի հարցով։ Այս մասին  իր առանձնատան բակում Լոռու մարզի բնակիչների հետ հանդիպման ժամանակ ասել է «Ուժեղ Հայաստան» կուսակցության վարչապետի թեկնածու Սամվել Կարապետյանը։

Նա հավաստիացրել է, որ իրենց կուսակցությունը միակն է, որ կարող է լուծել այդ հարցը։

«Մենք չենք կարող նայել այս խայտառակությանը, որ հարևան երկիրը կատարում է մեր երկրի նկատմամբ։ Մենք ազգով ենք թույլ երևում, բայց թույլ է միայն մեր իշխանությունը»,– նշել է նա։

Կարապետյանը հավաստիացրել է, որ իր միջազգային կապերը օգտագործելով` ամեն ինչ անելու է, որ հայերը վերադառնան տուն։