Բրիտանական կործանիչները խոցել են ռուսական ԱԹՍ-ներ. իրավիճակի սրում

Հատուկ ռազմական գործողության մեկնարկից ի վեր առաջին անգամ Մեծ Բրիտանիայի ռազմաօդային ուժերի Eurofighter Typhoon FGR4 կործանիչը ուկրաինական տարածքի վրա խոցել են ռուսական անօդաչու թռչող սարքեր։ Այս մասին հայտարարել են Մեծ Բրիտանիայի պաշտպանության նախարարությունը և ՆԱՏՕ-ի հրամանատարությունը։

Նշվում է, որ ինքնաթիռները ԱԹՍ-ների վրա հարձակվել են՝ գտնվելով Ռումինիայի օդային տարածքում, և հարված են հասցրել նրանց սահմանից այն կողմ։

Առաջին նախադեպը փաստացի ստեղծված է. բրիտանական Typhoon-ը խոցել է ռուսական ԱԹՍ-ն և սա հենց այն է, ինչի մասին ՌԴ նախագահ  Վլադիմիր Պուտինը զգուշացնում էր դեռ 2022 թվականին։

Հիշեցնենք, որ 2022 թվականի մարտի 4-ին, պատասխանելով Վլադիմիր Զելենսկու խնդրանքով Ուկրաինայի երկինքը փակելու հնարավորության մասին հարցին, Պուտինը ձևակերպել էր հստակ. ցանկացած շարժում այդ ուղղությամբ մեր կողմից կդիտարկվի որպես մասնակցություն զինված հակամարտությանը: 

Ռումինիայի պաշտպանության նախարարությունը ևս մեկ՝ հստակեցնող մամուլի հաղորդագրություն է հրապարակել, որում ուղղակիորեն ասվում էր, որ բրիտանական ինքնաթիռներն անօդաչու թռչող սարքերը խոցելու հրաման են ստացել միայն Ռումինիայի օդային տարածք մուտք գործելու դեպքում։