Կիրովականի լեզվով ասած՝ տինտիրիտները Փաշինյանը սկսել է․ Մարուքյան

Փորձում են նորից սեպ խրել մեր ժողովրդի տարբեր հատվածների մեջ, այդ բևեռացումը միայն իրենց է ձեռնտու, քարոզարշավի շրջանակում հայտարարել է «Լուսավոր Հայաստան» կուսակցության վարչապետի թեկնածու Էդմոն Մարուքյանը՝ անդրադառնալով համացանցում տարածված տեսանյութին ու դրան Նիկոլ Փաշինյանի արձագանքին։

Նա նշել է, որ դատապարտում է  քարոզչական այս մեթոդը։

Ինչ վերաբերում է   Փաշինյանի և այսօր մի կնոջ միջև տեղի ունեցած բանավեճին, Մարուքյանն ասել է. «Կնոջ հետ է բանավիճել ու ասել՝ կկզցնեմ սրան, նրան։ Դիմում եմ մեր ժողովրդին. 2021 թվականի նույն խաղերը, Կիրովականի լեզվով ասած՝ տինտիրիտները Փաշինյանը սկսել է, տեղը նեղն է։  Լրիվ նախընտրական քարոզչական թատրոն է։

Այս սրացումներն ուղղակի թատրոնի հատվածն են։ Ժողովուրդ, սրան չտրվեք, 2021-ի կրկնությունը չլինի»,- ասել է  «Լուսավոր Հայաստան» կուսակցության վարչապետի թեկնածու Էդմոն Մարուքյանը։

Նա կոչ է արել հունիսի 7-ին անպայման գնալ ընտրությունների։ 

 Հիշեցնենք, որ այսօր Երևանի Արաբկիր վարչական շրջանում ՔՊ քարոզարշավի ժամանակ միջադեպ տեղի ունեցած Նիկոլ Փաշինյանի և արցախցի մի բժշկուհու միջև։