8 տարի կառավարեցին ու երկրի կեսը տվեցին. Նարեկ Կարապետյան

Հորեղբայրս ձերբակալվել է, քանի որ պաշտպանել է եկեղեցուն։ Այս մասին  168.am -ին տված հարցազրույցում ասել է «Ուժեղ Հայաստան» կուսակցության խորհրդի անդամ Նարեկ Կարապետյանը։

«Եթե եկեղեցու վրա հարձակում չլիներ, հնարավոր է մենք կփորձեինք ուրիշ մեթոդներով մարդկանց բացատարել իրենց սխալ ճանապարհը, աշխատեինք այդ ուղղությամբ։ Բայց մենք տեսանք, որ լրիվ ուրիշ տեղ են գնում։ Վայրենություն էր, էլի։ Ո՞նց կարելի էր այս ամենը թողնել ու եկեղեցու դեմ կռվել»,- նշել է Նարեկ Կարապետյանը։

Ըստ նրա, թեև եկեղեցու դեմ հարձակվողն ասում էր՝ առաջանորդի դեմ է, բայց ենթագիտակցորերն էլ ասում է ճշմարտությունը՝ պայքարը եկեղեցու դեմ է։

«Նա էլ գիտի, որ եկեղեցու դեմ է կռվում, այն եկեղեցու, որն այս ազգի միակ աշխատող կառույցներն էր, որ մեզ պատվով ու դժվարություններով  հասցրել է 21-րդ դար։  Իրենք 8 տարի կառավարեցին  ու երկրի կեսը տվեցին, եկեղեցին մեզ 21-րդ դար հասցրեց, ո՞րն է ավելի էֆեկտիվ կառույց»,- ասել է Նարեկ Կարապետյանը։