ԿԸՀ-ն մերժեց Վարդան Ղուկասյանի գրանցումը

Կենտրոնական ընտրական հանձնաժողովը մերժեց ԴՕԿ կուսակցության ընտրական ցուցակի առաջին համար, կուսակցության առաջնորդ Վարդան Ղուկասյանի գրանցումը՝ անհրաժեշտ փաստաթղթերի բացակայության պատճառով։


Բացակայել է վերջին 4 տարում միայն ՀՀ քաղաքացի հանդիսանալու և վերջին 4 տարում ՀՀ-ում մշտապես բնակվելու մասին տեղեկանքը։ 
 
Նշենք, որ ԿԸՀ-ն մերժել էր նաև «Ալյանս» կուսակցության պատգամավորի թեկնածուների համամասնական ցուցակը գլխավորող Տիգրան Ուրիխանյանի գրանցումը: 

Կուսակցություններին հատկացվել էր 48 ժամ՝ առկա անճշտությունները վերացնելու համար։ Նշվեց, որ համապատասխան փաստաթղթերը չեն ներկայացվել:
 
 Վարդան Ղուկասյանի փաստաբանի առարկությունները ԿԸՀ-ն չընդունեց: