Հունգարիայի նորընտիր վարչապետն Օրբանի կողմնակիցներին ժամանակ է տվել

 Հունգարիայի նորընտիր վարչապետ Պետր Մադյարը պահանջել է նախկին իշխանության ներկայացուցիչներից կամավոր լքել իրենց պաշտոնները մինչև մայիսի 31-ը։

X սոցիալական հարթակի իր էջում Հունգարիայի ապագա վարչապետը գրել է, որ Վիկտոր Օրբանի կողմնակիցները մինչև մայիսի վերջ հնարավորություն ունեն սեփական կամքով հեռանալու զբաղեցրած դիրքերից։ Այս զգուշացումն ուղղված է երկրի նախագահին, Կուրիայի (Գերագույն դատարանի) նախագահին, Ազգային դատական վարչության ղեկավարին, ինչպես նաև Սահմանադրական դատարանի նախագահին ու գլխավոր դատախազին։

Պետր Մադյարը շեշտել է, որ եթե նշված պաշտոնատար անձինք սահմանված ժամկետում հրաժարական չտան, ապա իրենք կիրականացնեն նրանց պաշտոնանկությունը՝ հիմնվելով միլիոնավոր հունգարացիների տված մանդատի վրա։