Վարդան Ղուկասյանը կմնա կալանքի տակ

Դատարանը մերժել է  Գյումրու քաղաքապետ Վարդան Ղուկասյանի կալանքը վերացնելու միջնորդությունը՝ նա կմնա կալանքի տակ։

«Դատարանը միջնորդությունը մերժեց։ Մայիսին խափանման միջոցի հարցը կրկին քննարկվելու է։ Այս միջնորդությունը միջանկյալ ենք ներկայացրել, դատարանն էլ համարեց, որ ենթակա է մերժման։ Այս պահին ավելին չենք կարող ասել, որովհետև որոշումը դեռ չունենք»,- Sputnik Արմենիային ասել է Ղուկասյանի փաստաբան Արամայիս Հայրապետյանը։


Հաջորդ դատական նիստերը կկայանան մայիսի 6-ին և 14-ին։

Հիշեցնենք` Գյումրու համայնքապետ Վարդան Ղուկասյանը կալանավորվեց 2025 թվականի հոկտեմբերին։ Նրան մեղադրանք է առաջադրվել կաշառքի վերաբերյալ հոդվածով։