Թեհրանը նոր պայմաններ է ներկայացրել Վաշինգտոնին

Իրանի իշխանությունները պահանջել են ԱՄՆ-ից զգալիորեն մեղմացնել երկրի դեմ սահմանված պատժամիջոցները։ Այս մասին հայտնում է CNN-ը՝ վկայակոչելով Վաշինգտոնի և Թեհրանի միջև բանակցությունների ընթացքին ծանոթ աղբյուրը։

Բացի այդ, հեռուստաալիքը նշել է, որ Իրանը պահանջում է ապասառեցնել իր 20 միլիարդ դոլարի ակտիվները։

Փետրվարի 28-ին ԱՄՆ-ը և Իսրայելը լայնածավալ գործողություն են սկսել Իրանի դեմ։ Ապրիլի 7-ին ԱՄՆ նախագահը հայտարարել է Թեհրանի հետ երկշաբաթյա փոխադարձ հրադադարի մասին։ Ապրիլի 11-ին Իսլամաբադում Իրանը և ԱՄՆ-ը մի քանի փուլով բանակցություններ են անցկացրել։ Թե՛ Թեհրանը, թե՛ Վաշինգտոնը հայտնել են, որ կողմերին չի հաջողվել համաձայնության գալ երկարաժամկետ կարգավորման շուրջ՝ մի շարք հակասությունների պատճառով։ Ապրիլի 13-ին ԱՄՆ-ը սկսել է Իրանի ծովային շրջափակումը։